বিশ্ব সংবাদ কেন্দ্ৰৰ উদ্যোগত ৱেবিনাৰ। পশ্চিমবংগৰ নিৰ্বাচনী হিংসাই অশনি সংকেত কঢ়িয়াইছে দেশলৈঃ ডঃ স্বপন দাসগুপ্তা

গুৱাহাটী ১৪ মে ঃ” পশ্চিমবংগৰ নিৰ্বাচনী হিংসাই অশনি সংকেত কঢ়িয়াইছে দেশলৈ ৷এই প্ৰৱণতা ৰোধ কৰিব নোৱাৰিলে ভয়াৱহ ভৱিষ্যতৰ দিশে গতি কৰিব ভাৰতবৰ্ষই ” ৷ — এই মন্তব্য বিশিষ্ট সাংবাদিক , লেখক,পদ্মভূষণ ডঃ স্বপন দাসগুপ্তাৰ ৷বিশ্ব সংবাদ কেন্দ্ৰ, অসমৰ দ্বাৰা আয়োজিত ‘ পশ্চিমবংগত নিৰ্বাচনোত্তৰ হিংসা আৰু সংবাদ মাধ্যমৰ সহাৰি ‘ শীৰ্ষক অনলাইন আলোচনা চক্ৰত আজি বিশিষ্ট সাংবাদিক গৰাকীয়ে কয় যে ৰাজ্যখনৰ নিৰ্বাচনী হিংসাৰ সন্দৰ্ভত পশ্চিমবংগ চৰকাৰ তথা প্ৰশাসনে লোৱা ভুমিকা অতি গৰিহণা যোগ্য ৷তেওঁ কয়,’ বাও চৰকাৰৰ কাৰ্যকালৰ সময়ৰে পৰা পশ্চিমবংগত নিৰ্বাচনী হিংসাৰ সুএপাত হৈছিল ৷দীঘলীয়া সময়ৰ বাবে সেই ধাৰা অব্যাহত আছিল যদিও শেহতীয়াকৈ নিৰ্বাচনী আয়োগৰ কঠোৰ ভুমিকাৰ পৰিপ্ৰেক্ষিতত প্ৰাক নিৰ্বাচনী হিংসা পূৰ্বৰ তুলনাত হ্ৰাস পাইছে ৷কিন্ত নিৰ্বাচনোত্তৰ হিংসা হ্ৰাস পোৱা নাই ৷বৰঞ্চ এইবাৰ নিৰ্বাচনোত্তৰ হিংসাই ব্যাপক ৰূপ লোৱা পৰিলক্ষিত হৈছে ৷এইবাৰ তৃণমূল কংগ্ৰেছৰ কৰ্মী -সমৰ্থকে ফলাফল ঘোষণাৰ পিছতে বিজেপি সমৰ্থকৰ ওপৰত অবৰ্ণনীয় আক্ৰমণ কৰা বুলিয়েই নহয় ঘৰ বাৰী ধ্বংস কৰি লুটপাত চলাইছে ৷ফলত বহু লোক প্ৰাণৰ মমতাত পলায়ন কৰিবলগীয়া হৈছে ৷আটাইতকৈ উদ্বেগজনক কথাটো হল তৃণমূল কংগ্ৰেছৰ সমৰ্থকৰ নামত বিভিন্ন ঠাইত একাংশ দুস্কৃতিকাৰীয়ে বিজেপি কৰ্মী সমৰ্থকৰ ওপৰত আক্ৰমণ আৰু লুটপাত চলাইছে ৷ইয়াৰ পৰিপ্ৰেক্ষিততে ঠায়ে ঠায়ে হিন্দু মুছলমানৰ মাজত সাম্প্ৰদায়িক সংঘৰ্ষৰ সুএপাত হোৱা দেখা গৈছে ৷কিন্ত লক্ষনীয়ভাবে ইয়াৰ পিছতো পশ্চিমবংগৰ চৰকাৰ তথা আৰক্ষীয়ে গ্ৰহন কৰিছে নিষ্ক্ৰিয় ভুমিকা ৷তদুপৰি হেজাৰ হেজাৰ লোকৰ ওপৰত নিৰ্বিচাৰ আক্ৰমণ হোৱাৰ পিছতো সংবাদ মাধ্যমে গ্ৰহণ কৰা ভুমিকা দুৰ্ভাগ্যজনক ৰূপে বিবেচিত হৈছে ৷দুই এক সংবাদ প্ৰতিষ্ঠানৰ বাহিৰে বাকীসকলে নিৰ্বাচনী হিংসাৰ বাতৰি ভালদৰে প্ৰচাৰ কৰা নাই ৷’ নি্ৰ্বাচনোত্তৰ হিংসাৰ এনে ঘটনাই জনমানসত পশ্চিমবংগৰ ভাৱমূৰ্ত্তি বিনষ্ট কৰা বুলি দোহাৰি ডঃ দাসগুপ্তাই কয় যে সময় থাকোতেই সজাগ নহলে পৰৱৰ্তী সময়ত ৰাজ্যখনৰ হিন্দু মুছলমানৰ মাজৰ সম্পৰ্কৰ অধিক অৱনতি ঘটিব ৷তেওঁ কয়,’ পশ্চিমবংগত আৰম্ভ হোৱা এই ভয়ংকৰ প্ৰৱণতা সমগ্ৰ দেশতে যাতে বিয়পি পৰিব নোৱাৰে , তাৰ বাবে সকলোৱে সতৰ্ক হব লাগিব ৷উল্লেখযোগ্য আজিৰ ৱেবিনাৰত উত্তৰ পূৰ্বাঞ্চলৰ ৫৭ গৰাকী জেষ্ঠ সাংবাদিক, লেখকে অংশগ্ৰহণ কৰে ।Previous Post