মহানগৰীত জ্যেষ্ঠ প্ৰচাৰক গৌৰীশংকৰ চক্ৰৱৰ্তীৰ স্মৃতিচাৰণ সভা ।
ৰাষ্ট্ৰীয় স্বয়ংসেৱক সংঘৰ জ্যেষ্ঠ প্ৰচাৰক গৌৰীশংকৰ চক্ৰৱৰ্তীৰ মৃত্যুত আজি গুৱাহাটীত এখনি স্মৃতিচাৰণ সভা অনুষ্ঠিত হয় । ৰাষ্ট্ৰীয় স্বয়ংসেৱক সংঘৰ সৌজন্যত আয়োজিত মহানগৰীৰ জিলা পুথিভঁৰালত অনুষ্ঠিত হোৱা এই স্মৃতিচাৰণ সভাত জ্যেষ্ঠ প্ৰচাৰক গৌৰীশংকৰ চক্ৰৱৰ্তীৰ জীৱনকলৈ আলোকপাত আৰু সংঘৰ প্ৰতি আগবঢ়োৱা অবদান সম্পৰ্কে আলোকপাত কৰে বিশিষ্ট অতিথি ৰূপে উপস্থিত থকা ৰাষ্ট্ৰীয় স্বয়ংসেৱক সংঘৰ সহ সৰকার্যবাহ ড° কৃষ্ণগোপাল শৰ্মা ডাঙৰীয়া।
উল্লেখযোগ্য যে প্ৰয়াত জ্যেষ্ঠ প্ৰচাৰক গৌৰীশংকৰ চক্ৰৱৰ্তীৰ স্মৃতিচাৰণ সভাত উপস্থিত থাকে ৰাজ্যৰ মুখ্যমন্ত্ৰী সৰ্বানন্দ সোনোৱাল | মুখ্যমন্ত্ৰী গৰাকীয়ে জ্যেষ্ঠ প্ৰচাৰক গৰাকীৰ স্মৃতি সোঁৱৰণ কৰি ৰাজ্যখনৰ বাবে এক অপূৰণীয় ক্ষতি বুলি ভাষণ প্ৰদান কৰে । ইয়াৰোপৰি সভাত অংশগ্ৰহণ কৰা ড৹ হিমন্ত বিশ্ব শৰ্মাই সংঘৰ জ্যেষ্ঠ প্ৰচাৰক গৰাকীৰ স্মৃতিত শ্ৰদ্ধাঞ্জলি জনাই প্ৰচাৰক গৰাকীৰ আদৰ্শৰ প্ৰতি শ্ৰদ্ধা জ্ঞাপন কৰে ।
ইয়াৰোপৰি স্মৃতিচাৰণ সভাত সদ্যপ্ৰয়াত প্ৰচাৰক গৌৰীশংকৰ চক্ৰৱৰ্তীৰ ফটোত মাল্যাপৰ্ণ কৰে ৰাজ্যৰ মুখ্যমন্ত্ৰী সৰ্বানন্দ সোনোৱালকে ধৰি অসম সৰকাৰৰ সন্মানীয় মন্ত্ৰী ড৹ হিমন্ত বিশ্ব শৰ্মাৰ উপৰিও সাংসদ দিলীপ শইকীয়াৰ লগতে স্বয়ংসেৱক সকলে । ইফালে আজিৰ এই স্মৃতিচাৰণ সভাত বিশিষ্ট অধ্যাপক নিৰ্মল কুমাৰ চৌধুৰী,প্ৰাঞ্জল শইকীয়া, সুনিতা হালদেকৰ লগতে মাজুলী কমলাবাৰি সত্ৰৰ সত্ৰাধিকাৰ জনাৰ্দন দেৱ গোস্বামীকে ধৰি এই অনুস্থানত মহানগৰ সংঘচালক গুৰুপ্ৰসাদ মেধিৰ লগতে অগণন গুণমুগ্ধৰ লগতে বহু সংখ্যক গণ্যমান্য ব্যক্তিয়েও উপস্থিত থাকে ।
