মহানগৰীত প্ৰাগজোতিষ প্ৰকাশন ট্ৰাষ্টৰ লেখক- লেখিকাৰ আলাপ অনুষ্ঠান
গুৱাহাটী,৭ ডিচেম্বৰ: মহানগৰীত প্ৰাগজোতিষ প্ৰকাশন ট্ৰাষ্টৰ উদোগত লেখক-লেখিকাসকলৰ মাজত এক অন্তৰংগ অনুষ্ঠান অনুষ্ঠিত হয় | মহানগৰীৰ পাণবজাৰৰ বুৰঞ্জী আৰু পুৰাতত্ব বিভাগৰ সভাঘৰত অনুষ্ঠিত হোৱা এই লেখক লেখিকা অনুষ্ঠানত প্ৰাগজোতিষ কাকতৰ পৰিচালন সম্পাদক খগেন শইকীয়াৰ লগতে ঈশান দৰ্পনৰ সম্পাদক ৰমেন চক্ৰৱৰ্তীৰ লগতে প্ৰাগজোতিষ কাকতখনৰ সম্পাদক শশীপ্ৰভা দাসৰ উপৰিও বিশিষ্টলোকসকল উপস্থিত থাকে | পলৱিকা চৌধুৰী মহন্তই আতঁ ধৰা অনুষ্ঠানটিৰ সভাত প্ৰাগজোতিষ প্ৰকাশন ট্ৰাষ্টৰ দ্বাৰা প্ৰকাশিত প্ৰাগজোতিষ কাকতখনৰ লগতে ঈশান দৰ্পনৰ ইতি চমু আলোকপাত কৰে ড° নিৰঞ্জন কলিতাই | আনহাতে এই লেখক লেখিকাৰ অন্তৰংগ অনুষ্ঠানটিত বিশিষ্ট সাংবাদিক নৱ ঠাকুৰীয়া,লেখিকা মনিষা শৰ্মা, অচীম গগৈ, সাংবাদিক নয়নজোতি তালুকদাৰকে ধৰি বিশ্ব হিন্দু পৰিষদৰ উপদেষ্টাৰ লগতে চিন্তাবিদ লেখক আৰু বহু বিশিষ্টলোকে অংশগ্ৰহণ কৰে |
