মিজোৰামত ৭ দিনৰ বাবে সম্পূৰ্ণ লকডাউন ঘোষণা । মণিপুৰৰ ৭ খন জিলাত কাৰফিউ ।
ডিজিটেল ডেস্ক: মিজোৰামত কৰোনা ভাইৰাছ ১৮৪ টা নতুন সংক্ৰমণৰ ঘটনাৰ লগে লগে ৰাজ্যখনত সংক্ৰমিত লোকৰ মুঠ সংখ্যা ৭,১৪৭ হৈছে।
মিজোৰাম চৰকাৰে শুকুৰবাৰে ১০ মে’ৰ পুৱা ৪ বজাৰ পৰা কোভিড-১৯ প্ৰতিহত কৰিবলৈ সাত দিনীয়া সম্পূৰ্ণ লকডাউন কাৰ্যকৰী কৰাৰ কথা ঘোষণা কৰে৷ চৰকাৰী নিৰ্দেশত কোৱা হৈছে যে ১৭ মে’ৰ পুৱা ৪ বজালৈকে সম্পূৰ্ণ লকডাউন কাৰ্যকৰী হৈ থাকিব আৰু ৰাজধানী আৰু জিলা মুখ্য কাৰ্যালয় চহৰসমূহৰ কোনো বাসিন্দাক তেওঁলোকৰ ঘৰ এৰিবলৈ অনুমতি দিয়া নহ’ব৷ এই চহৰসমূহত অত্যাৱশ্যকীয় সামগ্ৰী, পাচলি আৰু মাংসৰ দোকান বৃহস্পতিবাৰে সন্ধিয়া ৫ বজালৈকে খোলা থাকিব।
ইফালে, মণিপুৰ চৰকাৰে শনিবাৰৰ পৰা সাতখন জিলাত নদিনীয়া ২৪ দিনীয়া কাৰফিউৰ কথা ঘোষণা কৰিছে। উক্ত জিলাসমূহত ৮ মে’ ৰ পৰা ১৭ মে’লৈ কাৰফিউ বলবৎ থাকিব। আনহাতে ৰাজ্যৰ আন অংশত সন্ধিয়া ৭ বজাৰ পৰা পুৱা ৫ বজালৈ নিশাৰ কাৰফিউ বাহাল থাকিব বুলি মুখ্য সচিব এম এইচ খানে জাৰী কৰা এক নিৰ্দেশনাত সদৰি কৰিছে। ইফালে, মিজোৰামত কৰোনা ভাইৰাছ সংক্ৰমণৰ কমেও ১৮৪ টা নতুন সংক্ৰমণৰ ঘটনা সংঘটিত হোৱাৰ ফলত সংক্ৰমিত লোকৰ মুঠ সংখ্যা ৭১৪৭ গৰাকীলৈ বৃদ্ধি পাইছে । উল্লেখ্য যে নতুন সংক্ৰমিত সকলৰ ভিতৰত ছয়জন আৰক্ষী আছে যি নিৰ্বাচনৰ কৰ্তব্যৰ পিছত পশ্চিম বংগৰ পৰা উভতি আহিছিল। ৰাজ্যখনৰ আইজলৰ পৰা ১৪৬ টা নতুনকৈ সংক্ৰমণৰ ঘটনা পোহৰলৈ আহিছে। ইয়াৰ উপৰিও, লংটালাইত ১১ গৰাকী আৰু কোলাচিবৰ ৯ গৰাকী ৰোগীৰ সংক্ৰমণ হোৱাটো নিশ্চিত কৰা হৈছে। ৰাজ্যখনত ১,৭৭৯ জন ৰোগী চিকিৎসাধীন হৈ আছে আৰু ৫,৩৫১ জন লোক ইতিমধ্যে আৰোগ্য হৈ ঘৰলৈ উভতি গৈছে।আনহাতে, জোৰাম চিকিৎসা মহাবিদ্যালয়ত চিকিৎসাধীন এগৰাকী সংক্ৰমিত মহিলাৰ মৃত্যু হৈছে। সংক্ৰমণৰ ফলত এতিয়ালৈকে মুঠ ১৮ জন লোকৰ মৃত্যু হৈছে। আইজল জিলা প্ৰশাসনে সংক্ৰমণ প্ৰতিহত কৰাৰ স্বাৰ্থত পাঁচটা স্থানক নিষিদ্ধ অঞ্চল হিচাপে ঘোষণা কৰিছে। টিকাকৰণ বিষয়া লালজাৱামীয়ে কয় যে, এতিয়ালৈকে ৰাজ্যখনৰ ২,২৩,৮০৫ জন লোকক কোভিড-১৯ ভেকছিনৰ প্ৰথম পালি প্ৰদান কৰা হৈছে বুলি স্বাস্থ্য বিভাগৰ সূত্ৰই প্ৰকাশ কৰিছে।
